سەرۆكوەزیران و باڵیۆزی نوێی ئیماڕات جەخت لە پەرەپێدانی پەیوەندییە دۆستانەكان دەكەنەوە

ئاڤا نیوز 

 

سەرۆكوەزیران مەسرور بارزانی  و باڵوێزی نوێی ئیمارات کۆبوونەوە و جەختیان لە پێشخستنی پەیوەندییە دۆستانەکانی نێوان هەردوولا لەبوارە جۆراوجۆرەكاندا کردەوە.

 

وێنە گەورەكە: ئەمڕۆ چوارشەممە 04-12-2024، سەرۆكوەزیران مەسرور بارزانی، سەرۆکی حکومەتی هەرێمی کوردستان، پێشوازی لە عەبدوڵلا مەتەڕ ئەلمەزروعی، باڵیۆزی نوێی وڵاتی ئیمارات لە عێراق کرد.

 

ڕاگەیێنراوی فەرمی: ماڵپەڕی فەرمی حكومەت ڕایگەیاند: لەمیانی پێشوازیكردنی سەرۆكوەزیران مەسرور بارزانی لە باڵیۆزە نوێیەکە بەبۆنەی دەستبەکاربوونی، بەڵێنی هەموو هاریکاری و پشتیوانییەکی حکومەتی هەرێمی کوردستانی بۆ باڵیۆز ده‌ربڕی لەپێناو سەرخستنی ئەرکەکەی و پێشخستنی زیاتری پەیوەندیی دوولایەنە لە بوارە جۆراوجۆرەکاندا.

 

لەلایەکی دیکەوە: باڵیۆزی ئیمارات، سڵاو و ڕێزى سەرۆکی ئیمارات شێخ محەمەد بن زایدى بە سەرۆکی حکومەت گەیاند و جەختی لە برەودان بە پەیوەندیی دۆستانەی وڵاتەکەی لەگەڵ هەرێمی کوردستان کردەوە.

زانیاری زیاتر: گرنگیی پاراستنی ئاسایش و سەقامگیریی عێراق و ناوچەکە، بەشێکی دیکەی گفتوگۆکان بوو.

 

بۆچی گرنگە: هەرێمی كوردستان لەچوارچێوەی پەرەپێدانی پەیوەندییە دیپلۆماسییەكانی لەگەڵ وڵاتان و پیشاندانی ڕووی ڕاستەقینەی ئاسایش و سەقامگیریی هەرێمی كوردستان، مەبەستیەتی پەیوەندییەكانی لەگەڵ ئیمارات قووڵتر بكاتەوە.