موقتەدا سەدر داوای دەستوەرنەدان لە کاروباری سووریا دەکات

ئاڤا نیوز

 

ڕێبەری ڕەوتی نیشتیمانی شیعە هەڵوێستی خۆی لەبارەی شەڕی نێوان چەکدارانی تەحریروشام و ڕژێمی ئەسەد ڕاگەیاند و دەڵێت، هیچ ڕێگەیەکمان نییە جگە لە نزاکردن نەبێت. 

 

پەیامی فەرمی: موقتەدا سەدر، ڕێبەری ڕەوتی نیشتیمانی شیعە لە پەیامێکدا داوای لە حکومەت و گەلانی عێراق و لایەنە ئەمنییەکان و میلیشیاکان دەکات بەهیچ شێوەیەک دەستوەرنەدەنە نێو کاروباری سووریا و خۆیان لە جەنگەکە بەدوور بگرن.

 

هاوکات، سەدر داوای لە حکومەت کرد ڕێگری بکات لە دەستوەردان لەکاروباری سووریا و سزای ئەو لایەنانە بدات کە کێشەی ناوخۆیی بۆ عێراق درووست دەکەن.