"ئۆپۆزسیۆنی سووریا بە زیرەكی دەستكرد دەستبەرداربوونی بەشار لەدەسەڵات بڵاودەكاتەوە"

ئاڤا نیوز 

 

وەزیری ڕاگەیاندنی سووریا هۆشداری دەدات لە بڵاوكردنەوەی ڤیدیۆی دروستكراو بە زیرەكی دەستكرد لەلایەن ئۆپۆزسیۆنی سووریاوە، كە گوزارشت لە دەستبەرداری بەشار ئەسەد لە دەسەڵات بكات.

وێنە گەورەكە: دوای كۆنترۆڵكردنی شاری حەما لەلایەن ئۆپۆزسیۆنی سووریا، ئێستا هێزەكان بە زیاتر لە 200 تانكەوە بەرەو شاری حمس بەڕێككەوتن كە تەنها 100 كیلۆمەتر لە دیمەشقی پایتەختی سووریاوە دوورە، حكومەتی سووریاش كشانەوەی هێزەكانیان بە تەكتیكی سەربازی وەسف دەكات و بەڵێنی وەرگرتنەوەی سەرجەم خاكی سووریا دەدات.

 

ڕاگەیێنراوی فەرمی: وەزارەتی ڕاگەیاندنی سووریا لە پێگەی فەرمی خۆی لە پلاتفۆرمی 'X' بڵاویكردووەتەوە، "ئاگاداربن كە گروپە چەكدارەكان ڕەنگە ڤیدیۆی دروستكراو لەڕێگەی زیرەكی دەستكردەوە بەكاربهێنن؛ گوایە بەشار ئەسەد دەستبەرداری دەسەڵات دەبێت"