درێژترین پردی کوردستان لە کەلار بەڕووی شۆفێران کرایەوە

ئاڤا نیوز

 

لە كابینەی نۆیەمی حكومەتی هەرێمی كوردستان چەندین پڕۆژەی گرنگ و ستراتیژی و سەرنجڕاكێش جێبەجێكران، ئێستا بەشێكی ئەو پرۆژانە تەواو بوونە. پردی ئاوەخێری، یەکێکە لەو پرۆژە ستراتیژییانەی کابینەی نۆیەمی حکومەتی هەرێمی کوردستان  و ئێستا بەڕووی شۆفێران کراوەتەوە.

 

وێنە گەورەکە: پردی ئاوەخێری، درێژترین پرد کوردستانە و چەند هەفتەیەكە بەڕووی شۆفێران كراوەتەوە، پردەكە ڕێگای دووسایدی کەلار - دەربەندیخان، ئیدارەی گەرمیان بە پارێزگای سلێمانی دەبەستێتەوە

 

لێدوانی فەرمی: ئەندازیار عەدنان خەلیل، بەڕێوەبەری ڕێگاوبانی گەرمیان بە ئاڤا نیوزی ڕاگەیاند: پردە درێژەكە سایدی هاتنەوەیە لە كەلارەوە بۆ سلێمانی كە 1200 مەترە و سایدەكەی دیکە پردێكی 30 مەترییە كە لە سلێمانییەوە بەرەو كەلار دەڕوات، ئەم پڕۆژەیە بەشێكە لە پڕۆژەی ڕێگای دووسایدی كەلار - دەربەندیخان.

 

پردەكە لە 38 چاوگ پێکهاتووە، پانیی هەر سایدێکیش شەش مەتر و نیوە، ئەمە جگە لەوەی کە بەرزییەکەی 18 مەترە و پایەكانیشی 14 مەتر لەژێر زەوییەوەن.