لە عێراق 36 بەنداوی نوێ دروست دەکرێن

ئاڤا نیوز

 

لە چوارچێوەی ڕووبەڕووبوونەوەی کێشەکانی وشکەساڵی و کەمئاوی، بڕیارە لە عێراق 36 بەنداوی نوێ دروست بکرێن. 

 

لێدوانی فەرمی: عەلی ڕازی بەڕێوبەری دەستەی گشتیی بەنداوەکان لە وەزارەتی سەرچاوە ئاوییەکانی عێراق ڕایگەیاند: 36 بەنداوی نوێ لە هەموو عێراق دروست دەکەین و شوێنەکانیشیان دیاریکراوە، بەشێکیشیان پلان و دیزاینیان تەواو بووە و ئێستا لە قۆناغی کۆتاییدان بۆ جێبەجێکردنی ڕێوشوێنەکانی دیکە.

 

ئەوەی پێویستە بیزانیت: کۆمپانیایەکی حکومی سەر بە وەزارەتی سەرچاوە ئاوییەکان ڕاسپێردراوە بۆ دروستکردنی بەنداوەکان و لە چەند ڕۆژی داهاتووشدا دەست بە جێبەجێکردنی بەشێک لە پرۆژەکان دەکرێت.

 

زانیاریی زیاتر: قەبارەی بەنداوەکان بچووک دەبێت و تەنیا بۆ گلدانەوەی، تیمەکانی دەستەی بەنداوەکان بە هەموو پارێزگاکانی عێراق بڵاوبوونەتەوە بۆ دیاریکردنی شوێنی گونجاو بەمەبەستی جێبەجێکردنی بەشێکی دیکەی پڕۆژەکان.