هەسەدە دێرەزوور کۆنترۆڵ دەکات

ئاڤا نیوز

 

سووپای سووریا و هاوپەیمانانی لەهێزە چەکدارەکانی سەر بە ئێران لە شاری دێرەزوور بەتەوای کشاونەتەوە و هێزەکانی سووریای دیموکرات "هەسەدە" بۆ پڕکردنەوەی بۆشاییە ئەمنییەکان شارەکەیان بە تەواوی کۆنترۆڵ کرد.

 

وێنە گەورەكە: ماوەی چەند ڕۆژێكە شەڕ و پێكدادان ناوچەكانی باكووری سووریای گرتووەتەوە، لەلایەکی دیکە هێزەكانی ئۆپۆزسیۆنی سووریا ڕایانگەیاند، تەواوی شاریی حەممایان کۆنترۆڵکردووە و لە پێشڕەویدان بەرەو شاری حومس و چەند ناوچەیەکیان کۆنتڕۆڵ کردووە.

 

ڕاگەیێنراوی فەرمی: ڕامی عەبدولڕەحمان، سەرۆکی ڕوانگەی سووری بۆ مافەکانی مرۆڤ بە ئاژانسی "فرانس پرێس"ی ڕاگەیاند: هێزەکانی سوپای سووریا و گرووپە چەکدارەکانی سەر بە ئێران لە شاری دێرەزوور کشانەوە  و دواتر هێزەکانی هەسەدە شوێنیانیان پڕ کردەوە وکۆنترۆڵی شارەکەیان کرد.

 

زانیاریی زیاتر: هاوکات لەگەڵ کشانەوەی سوپای سووریا لە ناوچەی ئەلبوکەمال و مەیادین لە دێرەزوور، بەشێک لەو گرووپە چەکدارانەی عێراق کە لەوێ جێگیربوون پاشەکشەیان کرد بۆ نێو خاکی عێراق.

 

ئەوەی پێویستە بیزانیت: هاوکات تەحریر شام و هێزەکانی ئۆپۆزسیۆن لە پێشڕەویکردن بەردەوامن و هێزەکانی حکومەتی سووریا لە چەند ناوچەیەک کشاونەتەوە.