هەسەدە دەروازەی ئەلبوکەمال لەنێوان سووریا و عێراق کۆنترۆڵ دەکات

ئاڤا نیوز

 

دوای ئەوەی سوپای سووریا لە دێرەزوور و گوندەکانی دەورووبەری کشایەوە، بۆ پاراستنی ئەمنییەتی ناوچەکە ‌هێزەکانی سووریا دیموکرات شوێنی گرتەوە و دەروازەی ئەلبوکەمالیشیان لەنێوان سووریا و عێراق کەوتە ژێر دەست. 

 

وێنە گەورەکە: ماوەی چەند ڕۆژێکە شەڕ و پێکدادان لە نێوان گرووپی چەکداری تەحریر شام و سوپای سووریا بەردەوامی هەیە و چەندین ناوچەی سووریا کەوتووەتە دەست چەکدارانی ئەو گرووپە، لەلایەکی دیکەشەوە هێزەکانی هەسەدە لە چەند ناوچەیەک پێشڕەویان کردووە و ناوچەکانی دێرەزوور و بەش لە ناوچەکانی دەورووبەری ڕەقەی کۆنترۆڵ کردووە.

 

ڕاگەیێنراوی فەرمی: هەسەدە دوای کۆنترۆڵ کردنی دەوازەی ئەلبوکەمال پەیامێکی بڵاوکردەوە و ڕایگەیاند: ئەو پێشهاتەنەی لە ناوچەکە ڕوودەدات مەترسییە بۆ سەر ئاسایشی میلەتەکەمان لە دێرەزوور، ئەمەش بۆی چالاکبوونەوەی گرووپە بەکرێ گیراوەکانی نزیک لە تورکیا و داعش.

 

زانیاریی زیاتر: لە ڕاگەیێنراوەکەی سوپای سووریا دیموکراتدا هاتووە، هێزەکانیان لە دێرەزوور و ڕۆژئاوای فوڕات جێگیرکردووە بە ئامانجی پاراستنی هاووڵاتییان. هاوکات سوپاسی خەڵکی دێرەزووری کردووە بەوە پێشوازیان لە هێزەکانیان کردووە.

 

ئەوەی پێویستە بیزانیت: شاری دێرەزوور پێشتر بەشی ڕۆژهەڵاتی لەلایەن هێزەکانی سوپای سووریا دیموکراتەوە پارێزگاری لێدەکرا و بەشی ڕۆژئاواشی هێزەکانی سەربە حکومەتی سووریای تێدابوو، بەڵام ئێستا تەواوی شارەکە لەژێر دەستی هەدەسە دایە.