چەکدارانی ئۆپۆزسیۆنی سووریا گەیشتنە دەروازەی شاری حومس

ئاڤا نیوز

 

شەوی ڕابردوو چەکدارانی تەحریر شام هێزەکانیان بەردە دەروازەی شاری حومس.

 

ڕاگەیێنراوی فەرمی: تەحریر شام لە ڕاگەیێنراوێکدا ئاماژە بەوە دەدات، هێزەکانیان لە دەروازی شاری حومس لە ڕۆژئاوای سووریا نزیکبوونەتەوە و پێشنینی دەکەن لە چەند کاتژمێری داهاتوودا شارەکە بکەوێتە دەستیان، هاوکات باس لەوەشکراوە بە کۆنترۆڵکردنی ئەو شارە سوپای سووریا و هێزەکانی ڕووسیا لە تەرتووس و لازقییە و هاوکات لە تەواوی وڵات دادەبڕن.

 

لەلایەکی دیکەوە: ڕۆژنامەی وۆڵ ستریت جۆرناڵی ئەمریکی ڕایگەیاندووە: بەرپرسانی میسر و ئوردن داوایان لە بەشار ئەسەد کردووە کە سووریا جێبهێڵت، هاوکات ئەسەد داوای لە تورکیا کردووە دەستوەردان بکات بۆ ڕاگرتنی چەکدارانی ئۆپۆزسیۆن لەگەڵ ئەوەشدا داوای هاوکاریی سەربازی و دابینکردنی چەکی لە هەریەکە لە وڵاتانی ئیمارات، میسر، ئوردن و عێراق کردووە، بەڵام تا ئێستا ڕەتکراوەتەوە.