بە ئامادەبوونی سەرکردەی دەیان وڵات کڵێسای نۆتەردام دەکرێتەوە

ئاڤا نیوز

دوای پێنج ساڵ لە سوتانی، ئەمڕۆ شەممە، کڵێسای نۆتەردام دەکرێتەوە. نێچیرڤان بارزانی، سەرۆکی هەرێمی کوردستان، لەلایەن ئیمانوێل ماکرۆنی سەرۆکی فەڕەنساوە بانگهێشتی ڕێوڕەسمەکە کراوە.

 

وێنە گەورەکە: نۆتەردام بە یەکێک لە شوێنە مێژوویی، گەشتیاری و سەرنجڕاکێشەکانی پاریس دادەنرێت و یەکێکە لە ئایکۆنە دیارەکانی ئەو شارە کە ساڵانە ملیۆنان کەس لە سەرتاسەری جیهانەوە بۆ گەشت ڕووی تێدەکەن. 

 

زانیاریی زیاتر: لە ڕێوڕەسمی کردنەوەی کڵێساکەدا نزیکەی چل سەرۆک و بەرپرسی وڵاتان بەشدار دەبن، لە ناویشیاندا دۆناڵد ترەمپ، سەرۆکی هەڵبژێردراوی ئەمریکا هەیە.

 

باکگراوند: ساڵی 2019 ئەم کڵێسا مێژووییەی فەڕەنسا، کە دەکەوێتە پاریسی پایتەخت سووتا. دوای پێنج ساڵ کارەکانی نۆژەنکردنەوەی تەواو بووە و دەکرێتەوە.