ئەنتۆنی بلینکن داوا دەکات هاووڵاتییانی مەدەنی سووریا پارێزراوبن

ئاڤا نیوز

 

تادێت ئاڵۆزییەکانی باکوور و ڕۆئاوای سووریا زیاتر تەشەنە دەکات و بەهۆیەوە دەیان هەزار هاووڵاتیی ئەو وڵاتە ئاوارە بوون و بەشێکیشیان گیانیان لەدەستداوە، لەو بارەیەوە بلینکن داوا دەکات سەلامەتی گیانی هاووڵاتییانی مەدەنی پارێزراو بێت. 

 

وێنە گەورەکە: لەگەڵ هەڵکشانی زیاتری شەڕ و ململانێکانی سووریا، هەر یەکە لە وڵاتانی ڕووسیا و ئەمریکا داوایان لە هاووڵاتییان کردووە بە زووترین کات ئەو ولاتە بەجێبهێڵن، هاوکات ئەنتۆنی بلینکن وەزیری دەرەوەی ئەمریکا لەگەڵ هاوتا تورکەکەی پەیوەندییەکی تەلەفۆنی ئەنجامدا و دۆخی سووریایان تاوتوێی کردووە. 

 

لێدوانی فەرمی: ئەنتۆنی بلینکن، وەزیری دەرەوەی ئەمریکا لەگەڵ هاکان فیدان، وەزیری دەرەوەی تورکیا، جەختیان لە دۆزینەوەی چارەسەری سیاسی بۆ ئەم ئاڵۆزییەی ئێستا ناوچەکە کردەوە، هاوکات دابینکردنی ئاسایش و سەلامەتی بۆ گیانی هاووڵاتییانی مەدەنی دووپاتکراوەتەوە. 

 

ئەمەش بزانە: تەحریرولشام و هێزەکانی ئۆپۆزسیۆن لە پێشڕەویکردنی بەردەوامن، هاوکات لە باکووری ڕۆژهەڵاتی سووریاش هێزەکانی حکومەتی سووریا چەند ناوچەیەکیان لە قامیشلۆ و حەسەکە ڕادەستی هێزەکانی هەسەدە کرد.