وەزیری پێشمەرگە: هێزی پێشمەرگە لەوپەڕی بەهێزی و گەشەسەندندایە

ئاڤا نیوز

 

هەوڵەکان بەردەوامە بۆ یەکگرتنەوەی هێزەکانی پێشمەرگە و بوونیادنانی سوپایەکی نیشتمانیی لە پێناو پارێزگاریکردن لە خاک و خەڵکی کوردستان. 

 

وێنە گەورەکە: وەزارەتی پێشمەرگەی حکومەتی هەرێمی کوردستان بە هاوکاری هاوپەیمانان بەردەوامن لە هەوڵەکانییان بۆ یەکخستنەوەی هێزەکانی 70 و 80 لە چوارچێوەی وەزارەتی پێشمەرگە لە پێناو پاراستنی خاکی هەرێمی کوردستان لە ئێستا و ئایندەدا بۆ ڕووبەڕووبوونەوە لە مەترسی دەرەکی.

 

ڕاگەیێنراوی فەرمی: وەزارەتی پێشمەرگە ڕایگەیاند، ئەمڕۆ یەکشەممە وەزیری پێشمەرگە لەگەڵ فەرماندەی فەرماندەیی هێزەکانی 70 و 80 کۆبووەوە، لە کۆبوونەوەکە جەخت لەسەر ئەوە کرایەوە کە پێویستە؛

-هەنگاوەکان خێراتر و چڕتر بکرێن بۆ بوونیادنانی سووپایەکی نیشتمانیی یەکگرتووی کوردستانی.

- سوپای پێشمەرگە پارێزگاری لە خاک و خەڵکی کوردستان بکات.

- لە پێناو ئەوەی هەر مەترسییەک کە لە ئێستا و ئایندەدا ڕووبەڕوومان دەبێتەوە، پارێزگاری بکەین.

- هێزی پێشمەرگەی کوردستان ئێستا لە قۆناغی گەشەسەندن و بەهێزبووندایە.

 

بۆچی گرنگە: یەکخستنەوەی هێزەکانی پێشمەرگە لە چوارچێوەی وەزارەتی پێشمەرگە دەبێتە هێزێکی نیشتمانی بۆ وڵات، بەبێ جیاوازی بەرگری لە خاک و خەڵکی کوردستان دەکات لە هەرکات و مەترسییەک کە ڕووبەڕووی وڵات دەبێتەوە.