قەدەغەی هاتووچۆ لە دیمەشق ڕاگەیێنرا

ئاڤا نیوز

 

فەرمانگەی ئۆپەراسیۆنە سەربازییەکانی سووریا قەدەغەی هاتوچۆی لە شاری دیمەشق ڕاگەیاند.

 

چیرۆكی سه‌ره‌كی: دوای چەند کاتژمێرێک لە کۆنترۆڵکردنی دیمەشقی پایتەخت لە لایەن هێزەکانی تەحریرولشام و هەڵاتنی بەشار ئەسەد، سەرۆکی پێشووی سووریا، پشێوی و ناسەقامگیری درووست بوو، ئەمەش بووە هۆی ڕاگەیاندنی قەدەغەی هاتوچۆ لەو شارە.

 

ڕاگه‌یێنراوی فه‌رمی: فەرمانگەی ئۆپەراسیۆنە سەربازییەکانی سووریا بڵاوی کردەوە:  لە کاتژمێر چواری پاشنیوەڕۆوە تاوەکو کاتژمێر پێنجی بەیانی  قەدەغەی هاتووچۆ لە شاری دیمەشق بەردەوام دەبێت.

 

باكگراوند: ڕۆژی یەکشەممە، هێزە چەکدارەکان ڕووخاندنی بەشار ئەسەد و دەستپێکردنی سەردەمێکی نوێیان بۆ سوریا ڕاگەیاند، دوای ئەوەی هێزەکانیان لە بەیانی ڕۆژی یەکشەممەدا چوونە ناو دیمەشق، ئەویش دوای هێرشێکی خێرا کە کۆتایی بە دەسەڵاتی بنەماڵەی ئەسەد هێنا.