سەرۆکوەزیرانی سووریا دەسەڵات ڕادەستی محەممەد بەشیر دەکات

ئاڤا نیوز

 

دوا بەدوای ڕووخانی دەسەڵاتی بەشار ئەسەد، سەرۆکی سووریا، هێزەکانی ئۆپۆزیسیۆن حکومەتێکی ڕاگوزەرییان پێکهێنا بە سەرۆکایەتیی محەممەد بەشیر. 

 

وێنە گەورەکە: لە 8ی ئەم مانگە گرووپە چەکدارەکانی ئۆپۆزیسیۆنی سووریا دیمەشقیان کۆنترۆڵ کرد و بەشار ئەسەد، سەرۆکی وڵات بەرەو ڕووسیا هەڵات. هاوکات محەممەد جەلالی، سەرۆکوەزیرانی سووریا ئامادەیی خۆی بۆ ڕادەستکردنی دەسەڵات بۆ ئۆپۆزیسیۆن دەربڕی و دوای یەک ڕۆژ دەسەڵاتەکەی ڕادەستکرد و قۆناغ و حکومەتێکی نوێ لە سووریا دەستیپێکرد.

 

زانیاریی بەدەستهاتوو: دوای کۆبوونەوەی سەرجەم سەرکردەکانی ئۆپۆزیسیۆنی چەکدار بە نوێنەرایەتی فەرماندە ئەحمەد شەرع، محەممەد بەشیر، محەممەد جەلالی، سەرۆکوەزیرانی پێشووی حکومەتی سووریا کە دەسەڵاتی ڕادەستی محەممەد بەشیر کرد و ڕاسپێردرا بۆ پێکهێنانی حکومەتی ڕاگوزەری سووریا.

 

لێدوانی فەرمی: ئەحمەد ئەلشەرع، ناسراو بە ئەبو محەممەد جۆلانی، سەرۆکی دەستەی تەحریرولشام لە کاتی ڕادەستکردنی دەسەڵات لە لایەن محەممەد غازی ئەلجەلالی وتی: "گەنجان ئەزموونی زۆر باشیان پەیدا کرد و لە هیچەوە دەستیان پێکرد، ناوچەی ئیدلب بچووکە و سامانی سنووردارە و لە ڕابردوودا کاری باشیان کردووە، بۆیە شارەزاییان هەیە و لە سفرەوە دەستپێناکەن". هاوکات هەندێک مەلەف هەیە سەرکەوتنی باشیان بەدەستهێناوە لەگەڵ ئەوەشدا دەستبەرداری ئەزموونی دەسەڵاتی پێشوو نابین و پێویستە سوودی لێوەربگرین.

 

ئەوەی پێویستە بیزانیت: ڕووخانی دەسەڵاتی بەشار ئەسەد دوای 13 ساڵ لە دەستپێکردنی شۆڕش و چالاکیی چەکداری دژی حکومەت و دوای 53 ساڵ لە حوکمی خانەوادەی ئەسەد دێت.