گەورەترین كەرنەڤاڵی شاخەوانی لە چیای سەفین ڕێكدەخرێت

ئاڤا نیوز

گروپی شاخەوانی شەقڵاوە بە هەماهەنگی لەگەڵ ژمارەیەك گروپی دیكەی شاخەوانی، بەبۆنەی ڕۆژی جیهانی شاخ گەورەترین كەرنەڤاڵی سەركەوتن بەسەر چیای سەفین ڕێكدەخات.

 

وێنە گەورەكە: ساڵانە فیدراسیۆنی شاخەوانیی كوردستان بەبۆنەی ڕۆژی جیهانی شاخ لە 11ـی دیسێمبەر، چالاكی جۆراوجۆری ژینگەیی و شاخپێوی ڕێكدەخات. ئەمەش دوای پەرەسەندنی خولیای شاخەوانی لە هەرێمی كوردستان و زیادبوونی ژمارەی شاخەوانان لەهەردوو ڕەگەز لە چوارچێوەی گرووپ و فیدراسیۆنە شاخەوانییەكان.

 

ڕاگەیێنراوی فەرمی: ژمارەیەك شاخەوان لە تەواوی شار و شارۆچكەكانی هەرێمی كوردستانەوە بەبۆنەی بەشداری لە چالاكیەكی گروپی شاخەوانیی شەقڵاوە دەكەن.

 

بۆچی گرنگە: لە چالاكییەكانی گرووپەكانی شاخەوانیدا، بایەخ بە ژینگەپارێزی و ئاژەڵدۆستی دەدرێت و شاخەوانان بە ئەنجامدانی هەڵمەتی پاككردنەوەی ناوچە شاخەوییەكان و بەرزكردنەوەی توانای هزری و دەروونی و جەستەییان، پەیامی نیشتیمانپەروەری و پاراستنی خاك دەگەیێنن.

 

باكگراوند: ڕێكخراوی یونسكۆ لەوەتەی ساڵی 2002ـەوە ڕۆژی 10ـی دیسێمبەر وەك ڕۆژی جیهانی شاخ دیاریكراوە كە مەبەست لێی پاراستنی ژینگە و سروشتی ناوچە شاخاوییەكانە.