دەوامی قوتابخانەكان كەمدەكرێتەوە

ئاڤا نیوز

ئەنجوومەنی وەزارەتی پەروەردە کۆدەبێتەوە، لە کۆبوونەوەکەدا بڕیار لەبارەی کاتی نوێ بۆ تاقیکردنەوە گشتییەکان و کاتی دەوامی قوتابخانەکان لە مانگی ڕەمەزان دەدرێت.

بۆچی گرنگە:  بڕیار وایە لە کۆبوونەوەی ڕۆژی سێشەممەی ئەنجوومەنی وەزارەتی پەروەردە، بڕیار  لەبارەی یەکێک لەم دوو پێشنیازە لە سوودی قوتابییانی پۆلی12ـی ئامادەیی بدرێت.

１-  دواخستنی تاقیکردنەوەی وزاریی
２-  کەمکردنەوەی پڕۆگرامی خوێندن.

لێدوانی فەرمیی: ئەنجوومەنی وەزارەتی پەروەردە کۆدەبێتەوە، لە کۆبوونەوەکەدا بڕیار لەبارەی کاتی نوێ بۆ تاقیکردنەوە گشتییەکان دەدرێت، بەهۆی ئەوەی ئەو بەروارەی پێشتر بۆ تاقیکردنەوەکان دانراوە، هاوکات دەبێت لەگەڵ هەڵبژاردنی پەرلەمانی کوردستان و جەژنی قوربان، هاوکات گفتوگۆ لەبارەی کاتی دەوامی قوتابخانەکان لە مانگی ڕەمەزان دەکرێت. ئالان حەمەسەعید، وەزیری پەروەردەی حکومەتی هەرێمی کوردستان وای بە ئاڤا نیوز گوت. 

ئەوەی پێویستە بیزانیت: پێشنیازکراوە وەک ساڵانی ڕابردوو دەوامی قوتابخانەکان بۆ ماوەی نیو کاتژمێر لە مانگی ڕەمەزان کەمبکرێتەوە، واتە بۆ هەر وانەیەک پێنج خولەک کەمبکرێتەوە و پێشنیازیش کراوە وانەی شەشەم نەخوێنرێت.