لیوا عەبدولخالق تەڵعەت: عێراق ئامادەکاریی بۆ ڕێگریکردن لە هاتنی داعش دەکات

ئاڤا نیوز 

 

لیوا عەبدوڵخالق تەڵعەت نوێنەری حکومەتی هەرێمی کوردستان لە فەرماندەی هێزە چەکدارەکان عێراق، بە ئاڤا نیوزی ڕاگەیاند، دوای ڕووخانی ڕژێمی بەشار ئەسەد ژمارەیەک لە سەربازانی سووپای سووریا خۆیان ڕادەستی هێزەکانی عێراق کرد، ئێستا ئەوان لە شوێنێکی پارێزراون.

 

وێنە گەورەکە: ڕۆژی 8-12-2024، چەکدارانی ئۆپۆزیسیۆنی سووریا توانیان دیمەشقی پایتەخت کۆنترۆڵبکەن و کۆتایی بە حوکمی 53 ساڵە بنەماڵەی ئەسەد بهێنن و هەزاران سەربازی سووریا وڵاتەکەیان جێهێشت.  

 

لێدوانی فەرمی: لیوا عەبدوڵخالق تەڵعەت بە ئاڤا نیوزی گوت، سەرۆکوەزیرانی عێراق ڕایگەیاندووە، ئەو سەربازانە میوانن لەلای ئێمە هەرکاتێک باروودۆخەکە ئارام بۆوە دەتوانین ڕەوانەی سوورییان بکەینەوە، هیچ گوشارێک نیە بۆئەوەی ڕادەستی حکومەتی نوێی سووریا بکرێتەوە.

لیوا عەبدوڵخالق، دەڵێت، گۆڕانکاری سووریا کاریگەری لەسەر عێراق هەیە بۆ ئەم مەبەستەش عێراق هێزێکی زۆری بۆ سنوورەکان ناردووە و هەموو هێزەکانی عێراق لە ئامادە باشیدان بۆ هەر ئەگەرێک.