مەسرور بارزانی: با هەموومان بۆ نیشتمان و مەترسییەکان یەکدەنگ بین

ئاڤا نیوز

 

سەرۆکوەزیران مەسرور بارزانی، لە میانەی کۆبوونەوەی ئەنجوومەنی وەزیران دەڵێت، با هەموومان بۆ نیشتمان و بابەتە نیشتمانییەکان و مەترسییەکانی سەر کوردستان یەکبین و یەکدەنگ بین.

 

لێدوانی فەرمی: پێشەوا هەورامانی، وتەبێژی حکومەتی هەرێمی کوردستان، ڕایگەیاند، لە کۆبوونەوەی ئەمڕۆی ئەنجوومەنی وەزیرانی هەرێمی کوردستان، سەرۆکوەزیران مەسرور بارزانی لە دەستپێکی قسەکانی وتی: ناوچەکە گۆڕانکاریی خێرا تێیدا ڕوو دەدەن، با هەموومان بۆ نیشتمان و بابەتە نیشتیمانییەکان و مەترسییەکانی سەر کوردستان یەکبین و یەکدەنگ بین. 

 

سەرۆکوەزیران ئاماژەی بەوەکردووە، ئەگەر لەپرسێکی ناوخۆ هاوڕا نەبین، نابێت کاریگەری لەسەر بابەتێک هەبێت کە دێتە بەردەممان و پەیوەندی بە ئەمن و ئاسایشی هەرێمەکەمانەوە هەیە پێویستە ئامادە و یەکدەنگ بین.

 

بۆچی گرنگە: بەهۆی گۆڕانکارییەکان سووریا، مەترسییەکانی سەر وڵاتانی دەوروبەرو بە گشتی و عێراق و هەرێمی کوردستان بە تایبەتی وردە وردە دەردەکەێت، بۆیە یەکگرتووی و یەکدەنگی دەبێتە هۆی پاراستنی خاک و خەڵکی کوردستان.