گوتەبێژی وەزارەتی دارایی: بە پشتیوانی سەرۆکوەزیران کێشە تەکنیکییەکانی مووچەمان چارەسەر کردووە

ئاڤا نیوز 

 

گوتەبێژی وەزارەتی دارایی هەرێمی کوردستان ڕایدەگەیێنێت، پەیوەندییەکی زۆر باشیان لەگەڵ وەزیری دارایی عێراق هەیە، بەردەوام تیمەکانیان لەگەڵ ئەو وەزارەتە لە پەیوەندیدان و زۆربەی کێشە تەکنیکییەکانیان چارەسەر کردووە.

 

لێدوانی فەرمی: هونەر جەمال، گوتەبێژی وەزارەتی دارایی و ئابووریی هەرێمی کوردستان ڕایگەیاند: مانگانە چەندان جار تیمە تەکنیکییەکانمان دەچێتە بەغدا و توانیویانە زۆرینەی کێشە تەکنیکییەکان چارەسەر بکەن. ئێستا هیچ بیانوویەک بەدەست وەزارەتی دارایی عێراقەوە نەماوە تاوەکو مووچەی فەرمانبەرانی هەرێمی کوردستان ببڕێت و خەرجی نەکات".

 

زانیاریی زیاتر: گوتەبێژی وەزارەتی دارایی گوتیشی: ئەگەر پشتیوانی و هەوڵە بەردەوامەکانی سەرۆکوەزیران مەسرور بارزانی نەبووایە، نەماندەتوانی کێشە تەکنیکییەکان چارەسەر بکەین، سوپاسی پشتیوانیی بەردەوامی جەنابیان دەکەین".