ئاڤای خەڵک؛ لە قەڵادزێ تەنیا یەک ئامێری ڕاکێشانی پارە هەیە

ئاڤا نیوز

بە هۆی ئەوەی لە قەزای قەڵادزێ تەنها یەک ئامێری ڕاکێشانی پارە هەیە، فەرمانبەرانی ئەو سنوورە دوای چارەسەری کێشەکەیان دەکەن. 

بەدواداچوونی ئاڤا: ئەم دوو ڕۆژە لەگەڵ دابەشكردنی مووچەی مانگی نۆ، جارێكی دیكە بەردەم جیهازەکە قەرەباڵغ بووەوە، دیسان خەڵك تووشی سەرە بوون، خالید بابەکر، فەرمانبەرێکە وێنەی قەرەباڵغی بەردەم جیهازە تاقانەکەی قەڵادزێی بۆ ئاڤا ناردووە، دەڵێت: لە هەموو قەزاکە یەک ئامێری ڕاکێشانی پارەی لێیە، کاتێک مووچە دێت دەبێت هەفتەیەک چاوەڕێ بکەین تا بەرمان دەکەوێت مووچەکەمان ڕابکێشین، یان بچینە ڕانیە مووچەکانمان وەربگرین، داواکارم ژمارەی ئەی تی ئێمەکان زیاد بکەن.

لێدوانی فەرمی: هەژماری من بە ئاڤای ڕاگەیاند: بەمزووانە لە سەرجەم ئەو شار و شارۆچكانەی كە بەراورد بە ژمارەی فەرمانبەرەكان ژمارەی ئەی تی ئێمەكانیان كەمە، ژمارەكە زیاد دەكرێت و ئەی تی ئێمی دیكە دادەنرێت.

- ئاماژەیان بە ئەوەش دا پلانەكە ئەوەیە بۆ هەر هەزار فەرمانبەرێك ئەی تی ئێمێك دابنرێ.