ڕێنماییەک بۆ ئەو خانەنشینانەی مووچەیان ڕاگیراوە

ئاڤا نیوز

بەڕێوەبەرایەتیی گشتیی خانەنشینیی هەرێمی کوردستان، ئاگاداری ئەو خانەنشینانە دەکاتەوە کە مووچەیان وەرنەگرتووە، دەڵێت، دەبێت فۆڕمی هەژماری من پڕبکەنەوە.

چیرۆکی سەرەکی: لە چەند ڕۆژی ڕابردوو وەزارەتی دارایی و ئابووری هەرێمی کوردستان، هۆشدارییەکی بڵاوکردەوە و ئاماژەی بەوەدا هەر خانەنشینێک فۆڕمی هەژماری من پڕ نەکاتەوە مووچەکەی ڕادەگیرێت.

زانیاریی تایبەت: سەرچاوەیەک لە بەڕێوەبەرایەتیی گشتیی خانەنشینی بە ئاڤای گوت، ئەو خانەنشینانەی مووچەی مانگی نۆیان لە بەغدا هاتووە و وەریاننەگرتووە، دەبێت فۆڕمی هەژماری من، لەو بانکەی مووچەی لێوەردەگرن پڕبکەنەوە، دوای ئەوە دەستبەجێ مووچەکانیان پێدەدرێت.

ئەمەش بزانە: بۆ مووچەی مانگی نۆ، 600 هەزار مووچەخۆر بە دیجیتاڵی مووچەکانیان وەردەگرن،  78 هەزاریان خانەنشینن بەپێی داتای وەزارەتی دارایی و ئابووری هەرێمی کوردستان 90%ـی مووچەخۆران خۆیان لە پڕۆژەی هەژماری من تۆمارکردووە، بەپێی بڕیاری وەزارەتی دارایی حکومەتی فیدراڵ هەر مووچەخۆرێکی هەرێمی کوردستان تا کۆتایی ئەمساڵ هەژماری بانکی نەبێت و خۆی لە پرۆژەی هەژماری من تۆمار نەکردبێت مووچەکەی ڕادەگیرێت.