گوێدرێژیک ئەکتەری سەرەکی فیلمێکی کوردییە

ئاڤا نیوز

 

گوێدرێژێک دەبێتە ئەکتەری سەرەکی کورتە فیلمێکی کوردی و دەرهێنەری فیلمەکەش باسی زەحمەتییەکانی ئاژەڵان دەکات.

 

وێنە گەورەکە: لە یازدەمین فێستیڤاڵی فیلمی دهۆک، کورتە فیلمێکی کوردی بەشدارە کە ئەکتەری سەرەکی گوێدرێژێکە، هاوکات فیلمەکە گەیاندنی پەیامی خۆشەویستییە بۆ ئاژەڵان.

 

لێدوانی فەرمی: لەنیا نوورەدین، دەرهێنەری کورتە فیلمەکە بە ئاڤا نیوزی ڕاگەیاند: دیاریکردنی گوێدرێژێک بۆ ئەکتەری سەرەکی کارێکی ئەستەم بووە، هاوکات تەواوی چیرۆکی فیلمەکە لە دەوری ژیانی گوێدرێژەکە دەخوڵێتەوە، چونکە گوێدرێژ یەکێکە لە قوربانییەکان و زەحمەتی زۆر دەبینێت.

 

ئەوەی پێویستە بیزانیت: فیلمەکە لەگەڵ 12 کورتە فیلمی دیکەی نێو ڤێستیڤاڵی فیلمی دهۆک، بەشداری لە پێشبڕكێی وەرگرتنی خەڵات دەکات.

 

ئەمەش بزانە: دوای تەواوکردنی کورتە فیلمەکە، گوێدرێژەکە لەلایەن خاوەنەکەیەوە فرۆشراوە، هاوکات دەرهێنەری فیلمەکە نازانێت گوێدرێژەکە لەکوێیە و بەکێ فرۆشراوە.