یەکەم لێدوانی جۆرج وسوف دوای ڕووخانی دەسەڵاتی بەشار ئەسەد

ئاڤا نیوز

 

لە دوای ڕووخانی دەسەڵاتی بەشار ئەسەد لە سووریا، جۆرج وسوف هونەرمەندی دیاری سووریا باسی دۆخی وڵاتەکەی دەکات.

 

وێنە گەورەکە: دوای کۆتایی هاتنی دەسەڵاتی بەشار ئەسەد لە سووریا زۆرێک لە هونەرمەندە سووریەکان بۆچوونی خۆیان سەبارەت بە ئەسەد گۆڕیوە و لە پشتگیری کردنی ئەسەدەوە بۆ دژایەتیی کردنی.

 

لێدوانی فەرمی: جۆرج وسوف هونەرمەندی سووری سەبارەت بە کۆتایی هاتنی دەسەڵاتی ئەسەد لە تۆڕی کۆمەڵایتیی ئێکس ڕایگەیاند: "هیوای داهاتوویەکی پرشنگدار و ڕوون و سەقامگیری دەخوازم، داهاتوویەک کە شایستەی سووریەکان بێت".

 

ئەمەش بزانە: بەر لە کۆتایی هاتنی دەسەڵاتی ئەسەد، جۆرج وسوف کەسێکی نزیکی بنەماڵەی ئەسەد بووە  لە چاوپێکەوتنێکدا دەڵێت: ''ئەسەد کەسێکی میهرەبانە و ڕقی لە خوێنە، من کەسێکم نیشتمانەکەم خۆشدەوێت و سەرۆکی نیشتمانەکەشم خۆشدەوێت''. 

 

باکگراوند: جۆرج وسوف، لە ساڵی 1961 لە سووریا لە دایکبووە  خاوەنی زیاتر لە 30 ئەلبوومە و پشتگیری ئەسەدی لە ماوەی دەسەڵاتی کردووە.