بەشار ئەسەد لای ئێران سکاڵای لە تورکیا کردووە

ئاڤا نیوز

 

چەند ڕۆژێک بەر لە کەوتنی دەسەڵاتی بەشار ئەسەد، عەباس عێراقچی دەچێتە سووریا و لەوێ ئەسەد سکاڵا لە تورکیا دەکات و دەڵێت: تورکیا هەموو هەوڵێکی خستووەتە گەڕ بۆ ڕووخاندنی حکومەتی وڵاتەکەی.

 

وێنە گەورەکە: دەسەڵاتەکەی بەشار ئەسەد بە هاوبەش و پشتیووانی کۆماری ئیسلامی ئێران و گرووپە چەکدارەکانی سەر بە  وڵاتە و حکومەتی ڕووسیا توانی لە ساڵی 2011 ەوە جارێکی دیکە کۆنترۆڵی سووریا بکاتەوە و حکومڕانی نزیکە لە %80 خاکی سووریا بکات. 

 

زانیاریی زیاتر: وەزیری دەرەوەی ئێران ئەوەی بە ئەسەدیش وتووە کە ئێران پشت لە سووریا ناکات و بۆ ئەو مەبەستە قسە لەگەڵ هاکان فیدان دەکات و توڕەی ئەسەدی پێی ڕادەگەیەنێت. 

 

لەلایەکی دیکەوە: وەزیری دەرەوەی تورکیا بە عەباس عێراقچی ڕاگەیاندووە، ئەسەد خۆ بە گەورە زانبووە و چەندین جار داوامان لێکردووە تاوەکو ئاشت ببینەوە بەڵام ئەو نەهاتووە تاوەکو پڕۆسەی ئاشتی دەستپێبکاتەوە.