پڕۆژەی هەژماری من دەبێتە چارەسەر بۆ بڕیارەكانی دادگەی فیدراڵی

ئاڤا نیوز

ئەو بانکانەی وەزارەتی دارایی حکومەتی هەرێمی کوردستان بۆ دابەشکردنی مووچە مامەڵەیان لەگەڵ دەکات و پەیوەستن بە پڕۆژەی هەژماری من، هەموویان مۆڵەتیان لە بانکی ناوەندیی عێراق وەرگرتووە.

بۆچی گرنگە: پڕۆسەی هەژماری من کێشە بۆ بڕیارەکانی دادگەی فیدراڵی دروست ناکات، چونکە ئەو بانکانەی هەرێمی کوردستان کە وەزارەتی دارایی مامەڵەیان لەگەڵ دەکات، هەموویان مۆڵەتیان لە بانکی ناوەندیی عێراق وەرگرتووە و هەموویان بە ڕەزامەندی ئەو بانکە بەشدارییان لە پڕۆژەی هەژماری من کردووە.

لێدوانی فەرمی: بڕیارەکانی دادگەی فیدراڵی عێراق لەبارەی مووچەی فەرمانبەرانی هەرێمی کوردستان و لێدوانەکانی دوێنێی تەیف وەزیری دارایی عێراقیش، بە نووسراوی فەرمی نەگەیشتوونەتە دەست ئێمە لە وەزارەتی دارایی، بۆیە ناتوانین بڵێین چۆن مامەڵە لەگەڵ بڕیارەکان دەکەین.  هونەر جەمال، گوتەبێژی وەزارەتی دارایی حکومەتی هەرێمی کوردستان  وای بە ئاڤا نیوز گوت.

زانیاريی زیاتر:  "هەژماری من" بۆ زیاتر لە 200 هەزار فەرمانبەر دروستکراوە، بەتایبەت لە هەولێر هەژماری بانکیی بۆ زۆرینەی مووچەخۆران دروستکراوە. ئێستا پڕۆژەکە خەریکە لە پارێزگاکانی سلێمانی و دهۆک دەستپێدەکات.