پەرلەمانتارێکی عێراق: بەهیچ شێوەیەک دابەشکردنی مووچە ناوەستێت

ئاڤا نیوز 

پەرلەمانتارێکی کورد باسی میكانیزمی دابەشكردنی مووچە لە مانگی سێ و مانگەکانی دواتر دەكات و دەڵێت  "ناكرێ دابەشكردنی مووچە بووەستێت، بۆیە  هاوشێوەی مانگەكانی پێشوو دەبێت."

وێنە گەورەکە: دوای بڕیاری دادگای فیدراڵی کە حکومەتی عێراقی پابەند کرد بە دابینکردنی مووچەی خەڵکی هەرێمی کوردستان و بڕیارەکەش ڕەتکردنەوەی نییە، وەزارەتی دارایی عێراق بڕیاری داوە لە مانگی داهاتووەوە مووچە بە شێوازی ئەلیکترۆنی بێت، بۆ ئەم مەبەستەش پێویستە سەرجەم مووچەخۆران هەژماری بانکییان هەبێت.

بۆچی گرنگە: بەهۆی ئەوەی سەرجەم فەرمانبەران لە پرۆژەی "هەژماری من"ی حکومەتی هەرێمی کوردستان خۆیان تۆمارنەکردووە و خاوەنی هەژمار و کارتی بانکی نین، دڵەڕاوکێ بڵاوبووەتەوە مووچەی مانگی سێیان بفەوتێت.


لێدوانی فەرمی: سۆران عومەر، ئەندامی ئەنجوومەنی نوێنەرانی عێراق بە ئاڤا نیوزی گوت: "بۆ ئەوەی دابەشكردنی مووچە نەوەستێت کە بەهیچ شێوەیەک نابێت ڕووبدات، چارەسەر ئەوەیە  بە شێوەی ئەم مانگە دابەش بكرێت، واتا بەپێی لیستی مووچەخۆران حكومەتی عێراق پارە بۆ هەرێمی كوردستان بنێرێت".