ئیسرائیل: حەماس ڕاهێنان بە هەزاران چەکداری نوێ دەکات

ئاڤا نیوز

 

سەرچاوە ئیسرائیلییەکان ئاشکرای دەکەن حەماس بۆ ڕێکخستنەوەی زیاتر ڕیزەکانی، ڕاهێنان بە هەزار چەکداری نوێ دەکات.

 

زانیاریی بەدەستهاتوو: ماڵپەری والای ئیسرائیل لە زاری چەند سەرچاوەیەکی سەربازیی ئیسرائیلەوە ڕایگەیاند، حەماس لە چەند مانگی ڕابردوودا هەزاران چەکداری ناونوس کردووە، ئێستا مەشق و ڕاهێنانی چڕیان پێدەکرێت بۆ شەرکردن دژی ئیسرائیل.

 

ئەوەی پێویستە بیزانیت: ئەو ماڵپەرە باسی لەوەشکرد کە چەکدارانی حەماس سەرەرای لاوازبوونیان، بەڵام هێشتا بەردەوامن لە بەرگریکردن و  شەرکردن دژی ئیسرائیل.

 

باکگراوند: لە ساڵی ڕابردووەوە هێرشەکانی ئیسرائیل بۆ سەر کەرتی غەززە بەردەوامە، بەهۆیەوە 45 هەزار هاووڵاتی فەڵەستینی کوژراون کە زۆربەیان خەڵکی سڤیلن، سەدان هەزاران کەسی دیکەش برینداربوون.