بەشار ئەسەد پێش جێهێشتنی سووریا هەماهەنگی لەگەڵ ئیسرائیل کردووە

ئاڤا نیوز 

 

بەشار ئەسەد بۆ پاراستنی گیانی خۆی تەواوی زانیاری لەسەر پێگە سەربازییەکانی وڵاتەکەی بە ئیسرائیل داوە.

 

وێنە گەورەکە: دوای تێپەڕبوونی نیو سەدە لە حکومڕانی بنەماڵەی ئەسەد و 13 ساڵ بەسەر خۆپێشاندانەکانی سووریادا، بەرەبەیانی ڕۆژی یەکشەممە (08-12-2024) ئۆپۆزیسیۆنی چەکداری ئەو وڵاتە، دیمەشقی پایتەختی کۆنترۆڵ کرد و بەشار ئەسەد سەرۆکی وڵاتەکە بەرەو ڕووسیا هەڵهات. 

 

زانیاریی بەدەستهاتوو: ئاژانسی تاسی ڕووسی بڵاوی کردەوە، بەشار ئەسەد پێش هەڵاتنی لە وڵاتەکەی بۆ پاراستنی گیانی خۆی هاوکاری هەواڵگریی ئیسرائیلی کردووە و زانیاریی تەواوی لەسەر کۆگای کەرەستە سەربازییەکان و مووشەکەکانی و ژێرخانی سەربازی داوەتە ئیسرائیل کە لەڕێگەی ئەو زانیارییانەوە ئیسرائیل توانیویەتی بەوردیی ئامانجەکانی لە سووریا بپێکێت.