نەتەنیاهۆ بۆ حووسییەکان: ئەوەی دەست بۆ ئیسرائیل ببات باجێکی زۆر قورس دەدات

ئاڤا  نیوز

بنیامین نەتانیاهۆ، سەرۆکوەزیرانی ئیسرائیل هۆشداری دەداتە حووسییەکان بەوەی ئەگەر هێرش بکەنە سەر ئیسرائیل "باجێکی زۆر قورس دەدات"، ئەمەش دوای ئەوەی فڕۆکە سەربازییەکانی ئیسرائیل چەند ئامانجێکی سەربازی حووسییەکانی لە یەمەن بۆردوومان کرد.

 

وێنە گەورەکە: ئیسرائیل دوای ئەوەی هێرشێکی چری کردە سەر حووسییەکان و ئامانجە سەربازییەکانی بۆردومان کرد، ئەم پەیامەی بڵاوکردەوە" حووسیەکان دەبێت فێرببن کە ئەوەی دەست بۆ ئیسرائیل ببات باجێکی زۆر قورس دەدات".

 

لێدوانی فەرمی: نەتانیاهۆ گوتی: دوای حەماس و حیزبوڵڵا و ڕژێمی ئەسەد لە سووریا، حوسییەکان بوونەتە دواین قۆڵی مانەوەی میحوەری شەڕی ئێران. 

 

زانیاریی زیاتر: ئیسرائیل بە درێژای ساڵی ڕابردوو لە ڕووبەڕبوونەوە دابوو لەگەڵ گرووپە چەکدارەکانی حەماس لە غەززە و حیزبوڵڵای لوبنان لەسەر خاکی ئەو وڵاتە، ئیسرائیل ئێستا ئاگربەستی کاتی لەگەڵ حیزبوڵڵا هەیە و وڵاتانی نێوەندگیر دیانەوێت ئاگربەستەکە درێژ بکرێتەوە.