لیژنە هاوبەشەکەی کوردستان و عێراق دوایین ڕاپۆرتیان لەبارەی لیستی مووچەی مانگی 12 ئامادە دەکەن

ئاڤا نیوز

 

هەفتەی داهاتوو دوایین ڕاپۆرت لەبارەی لیستی مووچەی مانگی 12 ئامادە دەکرێت و شاندێکی حکومەتی هەرێمی کوردستانیش بۆ وڵامدانەوەی سەرجەم پرسیار و تێبینییەکان دەچێتە بەغدا. 
 
زانیاریی بەدەستهاتوو: یەکشەممەی داهاتوو لیژنە هاوبەشەکەی کوردستان و عێراق دوایین ڕاپۆرت لەبارەی لیستی مووچەی مانگی 12 ئامادە دەکەن و وەڵامی سەرجەم سەرنج و تێبینییەکان دەدەنەوە ئەگەر تێیدا بێت، دواتر شاندەکەی بەغدا دەگەڕێتەوە و شاندێکی تەکنیکی هەرێمی کوردستانیش هاوشانی شاندەکەی حکومەتی فیدراڵ دەچێتە بەغدا.

 
زانیاریی زیاتر: دوای وەڵامدانەوەی سەرنج و پرسیارەکانی وەزارەتی دارایی عێراق لە ڕاپۆرتەکەدا و ڕەزامەندی تەیف سامی، هەفتەی داهاتوو پارەی مووچەی مانگی 12 خەرج دەکرێت، بەڵام نازانرێ بڕەکەی چەندە، پێشتر حکومەتی عێراق بڕیاری دابوو هاوشێوەی مانگی 10بڕی 761 ملیار دینار بنێردریت.

 

ئەوەی پێویستە بیزانیت: لەبارەی ناردنی  430 ملیاری تەواوکاری مووچەی مانگی 11 تاوەکو ئێستا دیار نییە بەغدا کەی ئەو گوژمە تەواوکارییە دەنێرێت، بۆیە تاوەکو ئێستا دیارنییە کەی دەست بە دابەشکردنی مووچەی مانگی 11 دەکرێت.