کارمەندانی کۆمیسیۆن بەمنزیكانە شایستەكانیان وەردەگرن

ئاڤا نیوز

 

كۆمیسیۆنی هەڵبژاردنەكان لە نووسراوێكدا داوای خێرا دابەشكردنی پاداشتی دارایی كارمەندانی سەر سندوق لە وەزارەتی دارایی عێراق دەكات و ڕایدەگەیەنێت، پارەكە لەلایەن وەزارەتی داراییەوە ڕاكێشراوە بەمەبەستی خەرجكردنی لەڕێگەی گەنجینەی پارێزگاكان.

 

وێنە گەورەكە: لەڕۆژی 20-10-2024، دەنگدانی گشتیی هەڵبژاردنی خولی شەشەمی پەرلەمانی كوردستان بەڕێوەچوو كە لەلایەن كۆمسیۆنی باڵای سەربەخۆی هەڵبژاردنەكانی عێراق سەرپەرشتی كرا، زیاتر لە 41 هەزار فەرمانبەر و دەرچووی زانكۆ و پەیمانگا لەم هەڵبژاردنە كارمەندی سەر سندوق بوون.

 

ڕاگەیێنراوی فەرمی: كۆمیسیۆنی باڵای هەڵبژاردنەكانی عێراق لە نووسراوێكی فەرمیدا كە ئاراستەی وەزارەتی دارایی حكومەتی فیدراڵی كراوە و وێنەیەكی دەست ئاڤا میدیا كەوتووە، داوایكردووە پەلە بكرێت لە خەرجكردنی شایستەی كارمەندانی سەر سندوق و سەرجەم ئامادەكارییەكانیش تەواوكراون.

 

ئەوەی پێویستە بیزانیت: بەگوێرەی نووسراوەكە چەكی ڕاكێشانی پارەكە بەگوێرەی ئیشعاری بانكی ڕافیدەین لەلایەن وەزارەتی دارایی جێبەجێكراوە و تەنیا ڕێكاری ڕاسپاردنی گەنجینەی پارێزگاكان ماوە بۆ دیاریكردنی ڕۆژی دابەشكردنی شایستەكە.