سوودانی سەرۆکایەتیکردنی دەزگای هەواڵگریی نیشتمانی بە کەسێکی نوێ دەسپێرێت

ئاڤا نیوز

سەرۆکوەزیران و فەرماندەی گشتی هێزە چەکدارەکان سەرۆکایەتیکردنی دەزگای هەواڵگریی نیشتمانی بە حەمید ڕەشید فلەیح شەتری دەسپێرێت.

 

ڕاگەیێنراوی فەرمی: نووسینگەی ڕاگەیاندنی سەرۆکوەزیرانی عێراق ڕایگەیاند: محەممەد شیاع سوودانی، سەرۆکوەزیران و فەرماندەی گشتی هێزە چەکدارەکان حەمید ڕەشید فلەیح شەتری بۆ سەرۆکایەتیکردنی دەزگای هەواڵگریی نیشتمانی عێراق دەستنیشان دەکات.

 

زانیاریی زیاتر: بەپێی ڕاگەیێنراوەکە، ئەم ئەرکە وەک درێژەپێدەری پشتگیریکردنی کارەکانی دەزگاکەیە، بۆ خزمەتکردنی عێراق و پاراستنی ئاسایش و سەقامگیرییەکەی، هاوکات بەهۆی ئەزموونی حەمید شەتری و ئەدای بەرچاوی لە بواری ئەمنیدا.

 

ئەوەی پێویستە بیزانیت: دەزگای هەواڵگریی نیشتمانی عێراق (INIS) لە ساڵی 2004 بۆ جێگرتنەوەی دەزگای هەواڵگریی گشتی پێشووی عێراق دامەزراوە.

 

ئەمەش بزانە: تاوەکو ئێستا چوار کەس سەرۆکایەتیی ئەو دەزگایەیان کردووە، لەنێوان ساڵانی 2004 تا 2009، محەممەد عەبدوڵڵا شەهوانی، لە 2009-2016 زوهێر غەرباوی، 2016-2020 مستەفا کازمی، لە تەمموزی 2022 تا تشرینی یەکەمی ئەمساڵ ڕائید جوحی، سەرۆکی ئەو دەزگایە بوونە، سەرۆکی ئێستای دەزگاکەش، پێشتر بەڕێوەبەری جێبەجێکردن بووە لە دەزگاکە.