سوودانی: پاڵپشتی یەکپارچەیی خاکی سووریا دەکەین

ئاڤا نیوز

 

سەرۆکوەزیرانی عێراق، هۆشداریدا لە ئەگەری بەئامانجگرتنی مەزارگەکانی سووریا و پاڵپشتی وڵاتەکەی بۆ یەکپارچەیی خاکەکەی دووپاتکردەوە.

 

ڕاگەیێنراوی فەرمی: نوسینگەی ڕاگەیاندنی سەرۆکوەزیرانی عێراق بڵاوی کردەوە: لەمیانی کۆبوونەوەیەکی لەگەڵ باڵیۆز و نێردە دیپلۆماسییەکانی وڵاتانی عەرەب کە لە بەغدای پایتەخت بەڕێوەچوو، محەممەد شیاع سوودانی هەڵوێستی عێراقی سەبارەت بەدۆخی سووریا و ناوچەکە ڕوونکردەوە.

 

سوودانی ئاماژەی بەوەکرد، عێراق ڕێز لەئیرادەی خەڵکی سووریا دەگرێت و پاڵپشتی لە یەکپارچەیی خاکەکەی دەکات و بەردەوام لەگەڵ وڵاتانی ناوچەکە و جیهان لەپەیوەندیدایە.

 

سەرۆکوەزیرانی عێراق ئەوەشی ڕاگەیاند، بەرکەوتنە نەتەوەیی و ئایینییەکان لەسووریا کاریگەرییان لەسەر عێراق دەبێت، هاوکات بەئامانجگرتنی مەزارگەکەکان ناکۆکی و ململانێی کۆمەڵایەتی و تایفی لێدەکەوێتەوە.