سێ فڕۆکەخانەی نوێ لە عێراق دەکرێنەوە

ئاڤا نیوز

وەزارەتی گواستنەوە و گەیاندنی عێراق کردنەوەی سێ فڕۆکەخانەی هاوچەرخی نوێی لەسێ پارێزگا بۆ ساڵی داهاتوو 2025 ڕاگەیاند.

 

بۆچی گرنگه‌: دوای نزیکەی چوار ساڵ کارکردن بۆ نۆژەنکردنەوەی هەر سێ فڕۆکەخانەی موسڵ، کەربەلا و ناسرییە، ئێستا کارەکان گەیشتووەنەتە قۆناغی کۆتایی و وەزارەتی گواستنەوەش ئامادەکاری دەکات بۆ کردنەوەی.

 

لێدوانی فەرمی: ڕەزاق محێبیس، وەزیری گواستنەوە و گەیاندنی عێراق ڕایگەیاند: هەرسێ فڕۆکەخانەکانی موسڵ، کەربەلا و ناسرییە ناوەڕاستی ساڵی داهاتوو 2025 دەکەونە بواری خزمەتەوە و بەڕووی هاووڵاتییاندا دەکرێنەوە.

 

ئەمەش بزانە: فڕۆکەخانەی موسڵ "نەینەوا" ساڵی 1920 لەلایەن ئینگلیزەکانەوە درووستکراوە، فڕۆکەخانەی ناسرییەش لەبنەڕەتدا بنکەیەکی ئاسمانی سەربازی بوو بەناوی ئیمام عەلی ساڵی 2012 کرایە مەدەنی، سەبارەت بە فڕۆکەخانەی کەربەلا لە ساڵی 2017 ـەوە بەردی بناغەی بۆ دانرا.