ئاڵای داعش لە گونديکی قەزای داقووق هەڵدەکرێت

ئاڤا نیوز

 

لەسەر باڵەخانەی قوتابخانەیەكی گوندی خالیدی سەر بە قەزای داقووق، ئاڵای داعش هەڵدەكرێت و هێزە ئەمنییەكانیش گوندەكە گەمارۆ دەدەن.

 

زانیاریی پەیامنێر: ڕۆكان جاف، پەیامنێری ئاڤا لە كەركووك، ڕایگەیاند: کەسانی نەناسراو ئاڵای داعشیان لە سەر باڵەخانەی قوتابخانەی گوندی خالیدی سەر بە قەزای داقوق هەڵکردووە و هێزە ئەمنییەکانیش بەدوای ئەو کەسانەدا دەگەڕێن کە ئاڵاكەیان هەڵكردووە.

 

لێدوانی فەرمی: سەرچاوەیەکی ئەمنی لە پۆلیسی داقوق بە ئاڤا نیوزی ڕاگەیاند: شەوی رابردوو کەسانی نەناسرا ئاڵای داعشیان لەسەر قوتابخانەی گوندەکە هەڵکردووە، دوای ئەوەی لە لایەن هاووڵاتیانەوە هێزە ئەمنییەکان ئاگادار کرانەوە، هێزێکی ئەمنی گوندەکەیان گەمارۆداوە و بەدوای ئەنجامدەرانی ئەو کارەدا گەران، بەڵام تائیستا کەس دەستگیر نەکراوە.

 

ئەوەی پێویستە بیزانیت: هەفتەی ڕابردووش ڕووداوێكی هاوشێوەی ئەوەی داقووق هەبوو و لە قوتابخانەیەكی ناوچەی دنادیشی قەزای حەویجە ئاڵای داعش هەڵكرا و پاشان هێزە ئەمنییەكان شەش كەسیان بە تۆمەتی كارەكە دەستگیر كرد.