لە توركیا 38 تۆمەتباری سەر بە ڕێكخراوە تاوانكارییەكان دەستگیر دەكرێن

ئاڤا نیوز

 

لە توركیا 38 كەس بە گومانی ئەندامێتی لە ڕێكخراوە تاوانكارییەكان دەستگیردەكرێن، كە گومان دەكرێت پەیوەندییان بە پێنج ڕێكخراوی تاوانكارییەوە هەبێت.

 

وێنە گەورەكە: وەزارەتی ناوخۆی توركیا، لە سەرەتای ئەم مانگەوە، هەڵمەتێكی پشكنین و بەدواداچوونی دەستپێكردووە بۆ دۆزینەوەی تۆڕە تاوانكارییەكانی پەیوەست بە بازرگانیكردن بە مرۆڤ و قاچاخچێتی و بازرگانانی ماددەی هۆشبەر و بەهەماهەنگی سەرجەم هێزە ئەمنییەكان دەیان ئۆپەراسیۆن ئەنجامدراون.

 

ڕاگەیێنراوی فەرمی: عەلی یەرلیكایا، وەزیری ناوخۆی توركیا، لە پێگەی فەرمی خۆی لە تۆڕی كۆمەڵایەتی "ئێكس" ڕایگەیاندووە، لە میانی ئۆپەراسیۆنی "حوجرە" بۆ سەر پێنج ڕێکخراوی تاوانکاری، 38 گومانلێکراو دەستگیرکراون کە لەو ژمارەیەدا بڕیاری دەستبەسەرکردن بۆ 24 تۆمەتبارانیان دەرکراوە.