عێراق سەرکۆنەی هێرشەکەی ئەڵمانیا دەکات

ئاڤا نیوز

 

وەزارەتی دەرەوەی عێراق بە تووندی سەرکۆنەی هێرشەکەی ئەڵمانیا دەکات و هاوسۆزی تەواوی خۆی لەگەڵ حکومەت و گەلی ئەڵمانیا لە بەرامبەر ئەم هێرشە "پڕ ئازار"ـە دووپات کردەوە.

 

وێنە گەورەکە: ئێوارەی ڕۆژی هەینی 20-12-2024، ئۆتۆمبێلێک لە شاری ماگدێبۆرگ لە باکووری ئەڵمانیا خۆی کرد بەنێو بازاڕێکی تایبەت بە کریسمسدا  کرد و  بەهۆیەوە 11 کەس گیانیان لەدەستداو 80 کەسی دیکەش بریندابوون.

 

ڕاگەیێنراوی فەرمی: وەزارەتی دەرەوەی عێراق لە ڕاگەیێنراوەکەدا جەختی لەسەر "هەڵوێستی پتەوی عێراق لە ڕەتکردنەوەی تووندوتیژی و تووندڕەوی بە هەموو فۆرم و دەرکەوتەکانییەوە" کردەوە.

 

لەهەمان کاتدا: وەزارەتی دەرەوەی عێراق "هاوسۆزی تەواوی خۆی لەگەڵ حکومەت و گەلی دۆستانەی ئەڵمانیا لە بەرامبەر ئەم ڕووداوە دڵتەزێنە"دا دووپاتکردەوە و سەرەخۆشی و هاوخەمی خۆی بۆ کەسوکاری قوربانیان دەربڕی و هیوای زوو چاکبوونەوەشی بۆ بریندارەکان خواست.