عێراق سەدان منداڵی داعش ڕادەستی تورکیا دەکاتەوە

ئاڤا نیوز

 

حکومەتی عێراق نزیکەی 500 منداڵی ئەندامانی داعش کە بە ڕەگەز تورکن، ڕادەستی حکومەتی تورکیای کردەوە. هاوکات زیاتر لە 200 ئافرەتی تورکی بە تۆمەتی داعشبوونیان ئێستا لە زیندانەکانی عێراق دان.

 

وێنە گەورەکە: لە ساڵی 2017ەوە کە داعش لە عێراق تێکشكێنرا، حکومەتی عێراق بە سەدان منداڵی ئەندامانی بیانیی داعشی ڕادەستی وڵاتەکانیان کردەوە و وەزارەتی دەرەوەی تورکیاش ژمارەی ئەو منداڵانەی کە لە حکومەتی عێراق وەرگرتووەتەوە ئاشکرا کرد.

 

ڕاگەیێنراوی فەرمی: ماڵپەڕی "گازیت دووڤار"ی تورکی بە پشتبەستن بە داتاکانی وەزارەتی دەرەوەی تورکیا ڕایگەیاند: 500 منداڵی ئەندامانی داعش لە ڕەگەزنامەی تورکیا لە عێراق گەڕێنراونەتەوە بۆ تورکیا، لەکاتێکدا وەزارەتی دەرەوەی تورکیا هیچ وردەکارییەکی سەبارەت بەو پیاوە تورکانەی بە تۆمەتی هاوشێوە سزا دراون نەخستووەتەڕوو.

 

زانیاریی زیاتر: هەمان ماڵپەر ئاشکرای کردووە، حکومەتی عێراق تاوەکو ئێستا 200 ئافرەتی تورک کە تاوانبارن بە ئەندامبوون لە ڕێکخراوی داعش لە زیندانییەکانی هێشتووەتەوە.