ترەمپ هەڕەشەی کۆنتڕۆڵکردنەوەی کەناڵی پاناما دەکات

ئاڤا نیوز

 

سەرۆکی هەڵبژێردراوی ئەمریکا هەڕەشەی کۆنتڕۆڵکردنەوەی کەناڵی پاناما بۆ ئەمریکا دەکات و دەڵێت: پێویستە بگەڕێندرێتەوە ژێر کۆنتڕۆڵی وڵاتەکەمان. 

 

وێنە گەورەکە: ڕۆژی 22-12-2024، سەرۆکی هەڵبژێردراوی ئەمریکا جارێکی دیکە پرسی کۆنتڕۆڵکردنەوەی کەناڵی پانامای خستە بەر باس و هەڕەشەی کۆنتڕۆڵکردنی ئەو کەناڵەی کرد تۆمەتباری کرد بەوەی باجی  زۆر بەسەر ئەو کەشتیانەدا دەسەپێنێت کە کەناڵەکە بەکاردەهێنن بۆ پەڕینەوە لە نێوان زەریای هێمن و زەریای ئەتڵەسیدا

لێدوانی فەرمی: دۆناڵد ترەمپ، سەرۆکی هەڵبژێردراوی ئەمریکا پێش دەستبەکاربوونی هەڕەشەی کۆنتڕۆڵکردنەوەی کەناڵی پاناما دەکات و ڕایگەیاند: ئەمریکا دزی لێدەکرێت، پێویستە کەناڵەکە بە خێرایی بگەڕێنرێتەوە ژێر کۆنتڕۆڵی ئەمریکا. 

بۆچوونی لایەنی بەرامبەر: خۆسێ ڕائول مۆلینۆ، سەرۆکی پانەما لە پەیامێکدا لە تۆڕی کۆمەڵایتی ئێکس  وەڵامی ترەمپی دایەوە و ڕایگەیاند: ''سەرەوەری و سەربەخۆی پانەما گفتوگۆی لەسەر ناکرێت، هەر مەترێکی  کەناڵی پانەما و دەوروبەری هی ئێمەیە ''.

 

باکگراوند: ئەمریکا لە ساڵی 1999 کۆنترۆڵی کەناڵەکەی ڕادەستی پەنەما کرد، کەناڵی ئاوی پاناما ساڵانە ڕێگە بە تێپەڕبوونی 14 هەزار کەشتی دەدات، هەروەها بەپێی ئاژانسی ڕۆیتەرز، 2.5%ی بازرگانی دەریایی جیهانی پێکدەهێنێت.