وەزارەتی تەندروستی: پەتا نوێیەکە هیچ مەترسییەکی نییە

ئاڤا نیوز

 

چەند ڕۆژێکە پەتایەک بڵاوبووەتەوە کە هەمان نیشانەکانی ڤایرۆسی کۆرۆنای هەیە و وەزارەتی تەندروستی هەرێمی کوردستانیش دڵنیایی دەدات کە پەتاکە مەترسیدار نییە و هیچ حاڵەتێکی نەخوازراوی لێنەکەوتووەتەوە.

 

وێنە گەورەکە: لە کۆتایی وەرزی پاییز پەتای هەوکردنی گەروو بڵاودەبێتەوە لە ماوەی چەند ڕۆژی ڕابردووشدا هەڵکشانێکی بەرچاو لە ژمارەی تووشبووان هەبوو، کە بە گشتیی کەسی تووشبوو ئەم نیشانانەی لەسەر دەردەکەوێت:- کۆکە، تا، لەش داهێزران، سەر ئێشە، بۆیە گومانی ئەوە دەکرێت گۆڕاوێکی نوێی کۆرۆنا بێت.

 

لێدوانی فەرمی: د. سامان بەرزنجی، وەزیری تەندروستی حکومەتی هەرێمی کوردستان بە ئاڤا نیوز گوت، "ئەو پەتایەی بڵاوبووەتەوە ڤایرۆسیی وەرزییە و هەمان مامەڵەی کۆرۆنا ڤایرۆسی لەگەڵ دەکرێت، بەڵام مەترسیدار نەبووە و هیچ حالەتێکی نەخوازراو تۆمارنەکراوە."

 

زانیاریی زیاتر: بەگوتەی وەزیری تەندروستی دوای پشکنینی PCR یەکلایی دەبێتەوە کە پەتاکە گۆڕاوێکی کۆرۆنایە یان نا، بەهۆی نەبوونی حاڵەتی مەترسیدار پەنا بۆ ئەو پشکنینە نەبراوە.

 

چارەسەرەکان چین: وەزارەتی تەندروستی حکومەتی هەرێمی کوردستان ساڵانە لە کۆتایی مانگی نۆ هەڵمەتی کوتانی ڤاکسینی وەرزی دەستپێدەکات، هەموو کەسێک دەتوانێک ڤاکسینەکە وەرگرێت.