لە نەجەف بازرگانێک بە 100 هەزار حەبی ماددەی کەپتاگۆن دەستگیر دەکرێت

ئاڤا نیوز

 

هێزە ئەمنییەکان لە پارێزگایەکی "پیرۆز"ی عێراقییەکان، بازرگانێکی مادە هۆشبەرەکان بە 100 هەزار حەبی کەپتاگۆنەوە دەستگیر دەکەن.

 

وێنە گەورەکە: زۆربوونی بەکارهێنان، بازرگانیکردن و بەرهەمهێنانی ماددە هۆشبەرەکان لە عێراق، بەشێوەیەک زیادی کردووە کە ڕێکخراوە خۆماڵی و نێودەوڵەتییەکان هۆشدارییان داوە عێراق ببێتە ناوەندێک بۆ بڵاوبوونەوەی ئەو مادانە لە ناوچەکە، ڕۆژانەش هێزە ئەمنییەکانی عێراق بەکارهێنەرانی ئەو مادانە دەستگیر دەکەن.

 

ڕاگەیێنراوی فەرمی: بەڕێوەبەرایەتیی گشتیی کاروباری ماددە هۆشبەرەکان و کارتێکەرە دەروونییەکان ڕایگەیاند: لە ئۆپەراسیۆنێکی هەواڵگریی ورد و بۆسەیەکی تووند دوای چاودێریکردنی بۆ ماوەی 30 ڕۆژ، بازرگانێکی مادەی هۆشبەر دەستگیرکرا کە 100 هەزار  حەبی کاپتاگۆنی مادەی هۆشبەر لە نەجەف ئەلئەشرەف پێی بووە.

 

زانیاریی زیاتر: بەگوێرەی ناوەندی ستراتیژی بۆ مافەکانی مرۆڤ لە عێراق لە سێ ساڵی ڕابردوودا، 2022، 2023 و 2024دا 40 هەزار کەس بە تۆمەتی ماددە هۆشبەرەکان دەستگیر کراون.