جۆرێکی نوێی مێرووی باڵدار لە چیاکانی کوردستان دەدۆزرێتەوە

ئاڤا نیوز

 

جۆرێکی نوێی مێروو کە بە 'باڵداری ڕفێنەر' ناسراوە و ڕەنگی سوورە لە چیاکانی کوردستان دۆزرایەوە.

 

وێنە گەورەکە: چیاکانی هەرێمی کوردستان دڵڕفێنن، لەگەڵ ئەوەشدا سەرچاوەیەکی گرنگن تاوەکو توێژینەوەیان تیادا ئەنجام بدرێت، لە نوێترین هەوڵیشدا دوو توێژەر جۆرێکی مێروو دەدۆزنەوە کە بە "سوورە باڵداری ڕفێنەر" ناسراوە و یەکەمجارە لەسەر ئاستی عێراق لە چیای بەمۆ تۆمار دەکرێت.

 

لێدوانی فەرمی: سۆما ئیسماعیل مەجید، توێژەری بواری زیندەوەرزانی لە زانکۆی سلێمانی سەبارەت بەو مێرووەی دۆزراوەتەوە بە ئاڤا میدیای ڕاگەیاند: "ئەم مێرووانە ڕۆڵێکی گرنگیان لە ڕاگرتنی ڕێژەی مێرووەکانی دیکە هەیە، وەک ناسەرەوەی زیندەیی بۆ پاراستنی ژینگە بەکاردەهێنرێت، هیچ زانیارییەک دەربارەی سرووشتی ژیان و ژینگەکەی بەردەست نییە و بە جۆرێکی دەگمەن ناسێنراوە.

 

زانیاریی زیاتر: مێرووەکە ناوی زانستی (Stiphrolamyra pleskei)یە، لە ناوچەکانی هەڵەبجە، قەڵادزێ، مووسڵ وێنەی گیراوە، نموونەی مێرووەکە لە زانکۆی سلێمانی پارێزراوە، پێشتریش مێرووەکە تەنها لە وڵاتانی ئێران، تورکیا و ئەفغانستان تۆمارکراون.