سەرۆکی دەزگای هەواڵگریی عێراق لە دیمەشق لەگەڵ ئەحمەد شەرع کۆبووەوە

ئاڤا نیوز

 

بە مەبەستی تاوتوێکردنی چەند پرسێک، شاندێکی عێراق بە سەرۆکایەتیی حەمید شەتری، سەرۆکی دەزگای هەواڵگریی گەیشتە دیمەشق بۆ کۆبوونەوە و دیدار لەگەڵ بەرپرسانی ئیدارەی نوێی سووریا. 

 

وێنە گەورەکە: دوای ڕووخانی حکومەتەکەی بەشار ئەسەد چەندین بەرپرسی وڵاتانی جیهان و عەرەب سەردانی دیمەشقیان کرد و لەگەڵ ئەحمەد شەرع، فەرماندەی ئۆپەراسیۆنە سەربازییەکانی سووریا کۆبونەوە و بەشێکیشیان باڵیوز و نوێنەرایەتیەکانیان دووبارە لەو وڵاتە کردەوە.

 

لێدوانی فەرمی: عیسام کریتی، سەرکردە لە هاوپەیمانی دەوڵەتی یاسا ڕایگەیاند: سەردانی شاندێکی عێراق و کۆبوونەوە و دیدار لەگەڵ بەرپرسانی ئیدارەی نوێی سووریا بە فشاری ئەمریکا و وڵاتانی کەنداو ئەنجامدراوە.

 

کریتی ئاماژەی بەوەش دا، مەبەستی سەردانەکەی شاندی عێراق بۆ پتەوکردنی پەیوەندییەکانی نێوان بەغدا و دیمەشقە، هاوکات پاراستنی ئاسایش و سەقامگیرییە لە سنوورە هاوبەشەکانی نێوان عێراق و سووریادا.