لە توركیا 656 كۆچبەری نایاسایی دەستگیركران

ئاڤا نیوز

 

لە توركیا 656 كۆچبەری نایاسایی دەستگیركران و دوای گرتنەبەری ڕێكاری یاسایی بۆ دڵنیابوونەوە لە ناسنامەكانیان، دیپۆرتی وڵاتانی خۆیان دەكرێنەوە.

 

وێنە گەورەكە: ژمارەیەكی زۆری كۆچبەرانی نایاسایی هەوڵدەدەن لەڕێگەی سنوورە ئاوییەكانی توركیاوە خۆیان بگەیێننە وڵاتانی كیشوەری ئەوروپا، حكومەتی توركیاش لەڕێگەی پۆلیسی پاسەوانی سنوور، بەردەوام ڕووبەڕووی باندی قاچاخچی و كۆچبەرانی نایاسایی دەبێتەوە.

 

لێدوانی فەرمی: عەلی یەرلیکایا، وەزیری ناوخۆی تورکیا لە هەژماری فەرمی خۆی لە تۆڕی كۆمەڵایەتی 'ئێكس' بڵاویکردەوە، لە چوارچێوەی ڕووبەڕووبوونەوەی كۆچبەرانی نایاسایی و بازرگانانی بەقاچاغبردن، ئۆپەراسیۆنی قەڵغان-36ـیان ئەنجامداوە و 656 كۆچبەری نایاساییان دەستیگركردووە، هەروەها 52 قاچاغچی بە گومانی بە قاچاغبردنی كۆچبەران، قۆڵبەست كراون.

 

وەزیری ناوخۆی توركیا ئاماژەی بۆ ئەوەش كردووە، ئۆپەراسیۆنەكان بۆ دۆزینەوەی قاچاغچی و كۆچبەرانی نایاسایی، بە بەشداری 26 هەزار و 456 كارمەندی هێزە ئەمنییەكان ئەنجامدراوە.