مەزڵووم عەبدی: دەمانەوێت لە چوارچێوەی سوپای نوێی سووریادا بین

ئاڤا نیوز 

 

فەرماندەی هێزەکانی سووریای دیموکرات ڕایگەیاند، پێویستە سووریا وەک وڵاتێکی یەکگرتوو بمێنێتەوە، بەڵام دیاریکردنی شێوەی سیستمە سیاسییەکەی دەبێت بە ئیرادەی گەلی سووریا بێت.

 

وێنە گەورەکە: لە دوای ڕووخانی ڕژێمەکەی بەشار ئەسەد ڕووبەڕووبوونەوەی هێزەکانی سووریای دیموکرات 'هەسەدە' و گرووپەکانی نزیک لە تورکیا بەردەوامە و بە دەیان چەکدار لە گرووپە جیاوازەکان کوژراون.

 

ڕاگەیێنراوی فەرمی: مەزڵووم عەبدی، فەرماندەی هێزەکانی سووریا دیموکرات 'هەسەدە' ڕایگەیاند:

 

- ئامادەین بە چوونە ناو سوپای نوێی سووریا، بەڵام دوای گفتوگۆکردن لەسەر ئەو بابەتە لە چوارچێوەیەکی گونجاودا.

 

- پێویستە سووریا وەک وڵاتێکی یەکگرتوو بمێنێتەوە، بەڵام دیاریکردنی شێوەی سیستمە سیاسییەکەی بە ئیرادەی گەلی سوریا و گفتوگۆکردن لەسەر دەستوور بەندە.

 

- هۆشداریی دەدەین لەو کارەساتەی هەڕەشە لە شاری کۆبانێ دەکات، بەهۆی بەردەوامی کۆکردنەوەی سەربازانی تورکیا لە نزیک شارەکە، هەرچەندە هەسەدە پێشنیاری بۆ تورکیا کردووە بۆ ئەوەی شارەکە بکرێتە ناوچەیەکی لە چەک داماڵێنراو بەڵام ئەو وڵاتە تا ئێستا وەڵامی نەداوەتەوە.