بەهۆی ئێرانەوە بەرهەمهێنانی کارەبا لە عێراق کەمدەکات

ئاڤا نیوز

 

نۆژەنکردنەوەی وێستگەکانی بەرهەمهێنانی غاز لەلایەن ئێرانەوە کاریگەریی دەبێت لەسەر کەمکردنەوە و لەدەستدانی هەشت هەزار مێگاوات کارەبا لە عێراق و پێدانی کارەباش بەشێوەیەکی بەرچاو کەمیکردووە.

 

وێنە گەورەکە:  بە درێژایی ماوەی 20 ساڵی ڕابردوو، سەرەڕای تەرخانکردنی ئەو بودجە زەبەلاحەی بۆ کەرتی کارەبا لە عێراق، تا ئێستا نەتوانراوە کێشەی کەمی پێدانی کارەبا بە هاووڵاتییان چارەسەر بکرێت.

 

لێدوانی فەرمی: ئەحمەد موسا، وتەبێژی وەزارەتی كارەبای عێراق ڕایگەیاند: بەهۆی درێژكردنەوەی ماوەی نۆژەنكردنەوەی وێستگەكانی غاز لەلایەن ئێرانەوە، بەرهەمهێنانی كارەبا لە 26 هەزارەوە بۆ 18 هەزار مێگاوات كەمبووەتەوە.

 

زانیاریی زیاتر: حکومەتی ئێران پێشتر وەزارەتی کارەبای عێراقی ئاگادارکردووەتەوە کە ماوەی نۆژەنکردنەوەی وێستگەکانی بەرهەمهێنانی غازی بۆ ماوەی دوو هەفتە دیکە درێژکردووەتەوە.