ئۆجەلان: ئامادەم بۆ هەنگاونان بەرەو پرۆسەی چارەسەریی ئاشتی نێوان تورک و کورد

ئاڤا نیوز

 

وێنە گەورەکە: دەوڵەت باخچەلی سەرۆکی مەهەپە ڕۆژی 22-10-2024، داوای لە عەبدوڵڵا ئۆجەلان، رێبەری زیندانیکراوی پەکەکە کرد کە "بێتە پەرلەمانی تورکیا و لە کۆبوونەوەی فراکسیۆنی دەم پارتی قسە بکات و بڵێت تیرۆر بە تەواوی کۆتاییهاتووە و رێکخراوەکە هەڵوەشێندراوەتەوە". 

 

ڕاگەیێنراوی فەرمی: وەڵامی ئۆجەلان لەسەر پێشنیازەکەی باخچەلی بەم شێوەیە بووە: 
- لە نێو ئەو تاریکییەی ڕۆژهەڵاتی ناوەڕاست، پێویستە هەنگاو بەرەو سیناریۆی ئەرێنی بنرێت.
-من خاوەن بڕیار و  ئیرادەم بۆ بەشداریکردنی ئەرێنی پێویست لە پێشنیازە نوێیەکەی باخچەلی و ئەردۆغان.
-من ئامادەم بۆ ئەوەی هەنگاوی ئەرێنی بنێم بۆ پێشنیازی سەرجەم لایەنە سیاسییەکان، بە بێ جیاوازیی پارتە سیاسییەکان و حیساباتی سیاسی، ئەوانەی بەشدارن لە دەوڵەت و ئەوانەشی بەشدار نین.
- سەردەمەکە بۆ تورکیا و ناوچەکە، سەردەمی برایەتی ئاشتەوایی و دیموکراسییە.
- زەمینەی چارەسەرکردنی کێشە گرنگەکان لە پەرلەمانی تورکیایە.
-بەهێزکردنەوەی برایەتی تورک و کورد بەرپرسیارێتییەکی مێژووییە.
-هەموو هەوڵەکانمان لەپێناو گەیشتنە بە چارەسەری دیموکراسی بۆ خەڵک و ناوچەکە.
- هەروەها بەشداری و پێشنیازەکانی ئۆپۆزیسیۆن بەنرخن بۆ ئەوەی سەرکەوتوو بن لە کارەکاندا.

ئەوەی پێویستە بیزانیت: دەم پارتی ئەوەشی ڕاگەیاندووە، ئۆجەلان تەندروستی و مۆڕاڵی زۆر باشە و خواستی بۆ چارەسەرکردنی پرسی کورد لە پێش هەمووشتێکەوەیە.