لەساڵی 2024دا هەزار و 573 منداڵ لە هەڵەبجە لە دایکبوون

ئاڤا نیوز

 

بەڕێوەبەرایەتیی گشتی تەندروستی هەڵەبجە ئاماری ئەمساڵی ڕێژەی لەدایکبووان ئاشکرا دەکات کە هەزار و 573 منداڵ لە دایکبوون. هاوکات لەو ڕێژەیەدا 780 کوڕ و 793 کچن.

 

وێنە گەورەکە: ئاماری ساڵانەی نەخۆشخانەی منداڵان و منداڵبوونی هەڵەبجە بۆ ساڵی 2024 نیشان دەدات کە کۆی گشتی سەردانیکەران گەیشتۆتە 25 هەزار و 677 کەس، لەم ژمارەیەدا شەش هەزار و 192 نەخۆش لە قاوشەکانی نەخۆشخانە داخڵکراون. هەروەها هەزار و 72 کەس لە دەرەوەی سنووری بەڕێوەبەرایەتیی تەندروستی هەڵەبجەوە هاتوون و دوو هەزار و 537 دایکی دووگیانیش سەردانی نەخۆشخانەکەیان کردووە.

 

لێدوان فەرمی: د. ئاراس حەمەسەعید. جێگری بەڕێوەبەری نەخۆشخانەی منداڵان و منداڵبوون لەهەڵەبجە، بەئاڤا میدیای ڕاگەیاند:

- لە ماوەی ساڵی 2024دا کۆی گشتی هەزار و 573 منداڵ لە دایکبوون کە لەو ڕێژەیەدا 780 کوڕ و 793 کچن.

- لە ڕووی جۆری لەدایکبوونەوە، 845 منداڵ بە شێوازی سروشتی لەدایکبوون کە 415 کوڕ و 430 کچن.

- 728 منداڵیش بە نەشتەرگەری لەدایکبوون کە 365 کوڕ و 363 کچن.

 

بۆچی گرنگە: ئەم ئامارانە پیشانی دەدەن کە خزمەتگوزارییە تەندروستییەکان لە شاری هەڵەبجە لە پێشکەوتندان و متمانەی هاووڵاتییان بە سیستەمی تەندروستی ناوچەکە بەرزە، ئەمەش لە ڕێژەی بەرزی سەردانیکەران و ژمارەی ئەو نەخۆشانەی لە دەرەوەی سنووری هەڵەبجەوە دێن بۆ وەرگرتنی چارەسەر، بە ڕوونی دەردەکەوێت.