پێنتاگۆن: تورکیا و هەسەدە لەسەر ئاگربەست ڕێککەوتوون

ئاڤا نیوز

 

تورکیا پەکەکە و یەپەگە بە هێزی تیرۆریستی ناودەبات، بەڵام ئەمریکا تەنیا پەکەکە بە تیرۆریست دەزانێت و لەگەڵ یەپەگە هاوپەیمانە، پنتاگۆن دەڵێت، ئێستا هاوپەیمانییەک لە نێوان تورکیا و هەسەدە هاتووەتە ئاراوە. 

 

لێدوانی فەرمی: سابرینا سینگ، گوتەبێژی وەزارەتی بەرگریی ئەمریکا، پێنتاگۆن، ڕایگەیاند: ئاگربەستێک لە نێوان تورکیا و هێزەکانی سووریای دیموکرات، هەسەدە، لە منبج لە باکووری سووریا، هاتووەتە ئاراوە.

 

زانیاریی زیاتر: ئاگربەستەکە سەرەتاکانی مانگی دیسێمبەر و بە دەستپێشخەریی ئەمریکا بووە؛ ئەمەش دوای ئەوە کاری لەسەر کراوە کە دیمەشق کەوتە دەست هیزەکانی دەستەی تەحریرولشام و ڕژێمی ئەسەد ڕووخا. هەرچەندە پێشتر وەزارەتی بەرگریی تورکیا ڕەتی کردبوویەوە کە گفتوگۆی ئاگربەستی لەگەڵ هەسەدە هەبوو بێت. 

 

ئەوەی پێویستە بیزانیت: هەسەدە هاوپەیمانێکی سەرەکیی ئەمریکایە لە شەڕی دژ بە داعش و لەلایەن ئەمریکاوە پشتیووانی دەکرێت و ڕێبەرایەتییەکەی بە دەست هێزە کوردییەکانی یەپەگەیە کە تورکیا بە پاشکۆی پەکەکەیان دەناسێت.