لە سەری ساڵەوە دەروازە سنوورییەکانی عێراق بە ئەلیکترۆنی دەکرێن

ئاڤا نیوز

 

پەیوەست بە چاکسازی کارگێڕی و دارایی، حکومەتی عێراق بڕیاریدا لە سەری ساڵەوە لە دەروازە سنوورییەکانی عێراق کار بە سیستمی ئەلیکترۆنی بکرێت.

 

چیرۆکی سەرەکی: ڕۆژی سێشەممە 31-12-2024، لە نووسینگەی سەرۆکوەزیرانی عێراق کۆبوونەوەیەک بە سەرۆکایەتی ڕاوێژکاری سەرۆکوەزیران بۆ کاروباری گومرگ و دەروازە سنووریەکان بەڕێوەچوو، تێیدا ڕێکارەکانی پەیوەست بە بەڕێوەبردنی دەروازە سنوورییەکان و سیستەمی گومرگی تاوتوێ کرا.

 

ڕاگەیێنراوی فەرمی: نووسینگەی ڕاگەیاندنی سەرۆکوەزیرانی عێراق ڕایگەیاند: لە کۆبوونەوەکەدا، تەواوبوونی ژێرخانی پێویست بۆ بەستنەوەی سەرجەم دەروازە سنوورییەکان بە نوێترین تەکنەلۆژیا ڕاگەیێەنرا، لەگەڵ دەستپێکردنی بەکارهێنانی سیستمی ئەلیکترۆنی بۆ ئاسانکردنی هاتنە ناوەوەی کەلوپەل بۆ دەروازە سنوورییەکان و چاودێریکردنیان بەشێوەیەکی ناوەندی.

 

- ڕێککەوتن کرا لەسەر جێبەجێکردنی سیستمی جیهانی ئەسیکودا بۆ ئەلیکترۆنیکردنی پرۆسە گومرگییەکان لە 1ـی کانوونی دووەمی 2025"ـەوە کە بە خزمەتگوزارییەکانی پارەدانی ئەلیکترۆنی پتەوکراوە.

 

- ئەم هەنگاوە یارمەتیدەر دەبێت بۆ بەدەستهێنانی ئۆتۆماتیکی لە وەزارەت و دامەزراوەکان، لەوانە پڕۆژەی حکومەتی ئەلیکترۆنی و دابینکردنی خزمەتگوزاری پارەدانی ئەلیکترۆنی، کە بەشدار دەبێت لە بەهێزکردنی شەفافییەت و لێپرسینەوە و ئاسانکردنی ڕێوشوێن و خزمەتگوزاریەکان، و کەمکردنەوەی بەربەستە بیرۆکراتیەکان لەگەڵ دامەزراندنی حوکمڕانی باش و بەرەنگاربوونەوەی گەندەڵی.