لە عێراق بەهۆی یارییە ئاگرینەکان 143 کەس سووتاون

ئاڤا نیوز

 

بەپێی ئامارەکانی وەزارەتی تەندروستیی عێراق، شەوی ڕابردوو 564 كەس بە ڕووداوی جۆراوجۆر لە شارەکانی عێراق برینداربوون، لەو ژمارەیە 143 كەسیان بەهۆی یارییە ئاگرینەكانەوە برینداربوون و گەیێنراونەتە نەخۆشخانەكان.

 

وێنە گەورەكە: هاوشێوەی وڵاتانی جیهان، شەوی ڕابردوو لە بەغدا و شارەكانی دیکەی عێراق ئاهەنگی پێشوازی لە ساڵی نوێ بەڕێوەچوو و لە گۆڕەپان و شوێنە گشتییەكان هەزاران كەس بەشدارییان کرد.

 

لێدوانی فەرمی: سەیف بەدر، وتەبێژی وەزارەتی تەندروستیی عێراق ڕایگەیاند، زۆرینەی ئەوانەی بەیاری ئاگرین برینداربوون بەشێك لە جەستەیان سووتاوە یاخود ڕووخساریان برینداربووە، بەشێك لە بریندارەکانی دیکەش بەهۆی تەقەی هەڕەمەکی زامداربوون، بەڵام هیچ حاڵەتێكی گیانلەدەستدان تۆمارنەكراوە.

 

ئەوەی پێویستە بیزانیت: بەگووتەی وتەبێژەکەی وەزارەتی تەندروستی، بەشێك لە بریندارەكان، برینەكانیان سەختە و لە نەخۆشخانەكانی فریاكەوتن خراونەتە ژێر چاودێری چڕەوە، داتا و ئاماری بریندارەکانیش بەم جۆرەن.

143 حاڵەتی برینداربوون بە یاری ئاگرین
40 حاڵەتی برینداربوون بە تەقەی هەڕەمەکی
203 حاڵەتی برینداربوون بە ڕووداوی هاتووچۆ
178 حاڵەتی برینداربوون بە ڕووداوی دیکەی جیاجیا